Pesdelán é moito máis que un grupo de música: mediante a música en vivo e o ensino de bailes e xogos sinxelos, pretende recuperar o espírito participativo das festas. Unha proposta novidosa e atrevida cunha dobre finalidade: substituír o concepto de público espectador polo de público participante, e como non, pasalo ben.
"Aínda que moitos de vos non moverades nunca un pé, iso non é un problema: o que facemos é ir aprendendo dunha forma divertida os pasos de baile de cada un dos temas, para despois bailalos todos xuntos."
Pesdelan son: Uxía Cribeiro (voz), Montse Rivera (voz e ensino de danzas), Mercedes Prieto (voz e ensino de danzas), Santi Cribeiro (acordeón), Carlos Freire (percusión), Miguel Flores (guitarra) e Amando Gottardi (baixo).