Catro anos desde a última vez que nos metemos a gravar. O mundo non é nin parecido ao de entón. De feito, poderiamos dicir que o único que non cambiou en todo este tempo é o moito que seguimos botando en falta a Tom Petty. Por iso, En Casa del Herrero puxémonos en mans de Paul Álvarez (Gruta) para recrear un dos vellos éxitos de Petty & The Heartbreakers: King's Highway, habitual no noso repertorio en directo. Unha canción profética. Un himno de esperanza para unha época convulsa. Unha declaración de principios. Unha chamada a seguir adiante e crer no futuro.
Quixemos darlle unha volta e personalizala un pouco. E rexistramos ata tres versións do mesmo tema: en inglés (como a orixinal), galego e castelán. Nestas dúas últimas linguas, as nosas, Eduardo Herrero reescribiu a letra intentando respetar ao máximo a esencia do texto orixinal de Petty.
Gravamos a medio camiño entre o noso local de ensaio en Culleredo e o estudio doméstico que Paul ten na Coruña. El encargouse tamén da mestura e da masterización. E realizou un traballo excelente.
Á formación habitual de En Casa del Herrero (Eduardo, voz e guitarra; Carlos Clerins, guitarra; Jorge Quesada, baixo; Óscar Quintáns, batería; e Xabier Facal, órgano) sumamos as colaboracións de Mar Blanco (coros) e o propio Paul Álvarez (guitarra)