Son Trío cambia de instrumentación para facer algo distinto, cunha composición orixinal para o poema 'Un día' que Celso Emilio Ferreiro escribira polo pasamento do seu irmán na alma Antón Beiras.
O videoclip foi gravado integramente nas rúas de Vigo que tantas veces percorreran o protagonista e o autor do poema.
Como no resto de pezas de Son Trío a composición correu a cargo de Katerina Linke, que esta vez cambiou o piano polo metalófono. Á voz está Su Garrido Pombo, e ao cello Susanna Blanco. Gonso Pedrido encargouse da produción artística da canción en Villa Angelina.