Do 16 ao 19 de outubro, e como avance a WOMEX 16 Santiago de Compostela, celebrarase a segunda edición do Focus GalicianTunes; un programa organizado pola Agadic e no que participarán 26 programadores de festivais internacionas de renome (pensade: Lollapalooza, Glastonbury, Lorient, SunFest, etc.) que chegarán dende Polonia, Alemaña, Estados Unidos, Francia, India, Arxentina, Reino Unido, Canadá, Italia, China, Corea, España, Malaisia, Noruega, Portugal, Irlanda, Dinamarca, Marrocos e Chile.

Estes profesionais, seleccionados entre os principais delegados que participarán no WOMEX, terán a oportunidade de coñecer a nosa música, gastronomía e cultura de primeira man grazas as reunións, actividades socioculturais e, como non, actuacións de artistas galegos repartidas entre Santiago, A Coruña e as Rías Baixas.

Os 10 solistas e grupos que participarán no programa son os nosos Leilía, Os d’Abaixo, Susana Seivane, Faltriqueira, Pepe Vaamonde Grupo, Alberto Conde Human Evolution Project, Rosa Cedrón, Alejandro Vargas Trío, Trim e Sumrrá.

E para que non vos perdades detalle...

Domingo 16. Santiago de Compostela

20.30 h: Recepción oficial no NH Collection

22.30 h: Focus GalicianTunes Fest con Leilía, Os d’Abaixo e Susana Seivane na Sala Capitol

Luns 17. Rías Baixas

11.00 h: Visita á Illa de Arousa e Cambados

14.00 h: Showcase Faltriqueira nos viñedos D.O. Rías Baixas

16.00 h: Showcase Pepe Vaamonde Grupo nas bodegas Martín Códax

18.30 h: Showcase Alberto Conde Human Evolution Project nas bodegas Martín Códax

Martes 18. A Coruña

10.00 h: Visita á Torre de Hércules

11.00 h: Showcase Rosa Cedrón na Sala Nautilus no Aquarium Finisterrae

12.30 h: Visita á Deputación de A Coruña

13.30 h: Showcase Trim na Taberna de Cunqueiro

17.30 h: Sesión vermú con Alejandro Vargas Trío en Jazz Filloa

20.30 h: Showcase Sumrrá en Garufa Club

Miércoles 19. Cidade da Cultura

11.00 h: Visita ao Concello de Santiago

12.30 h: Café networking con invitados, artistas e managers na Cantina Gaiás

E poderedes seguir desfrutando da música galega de raíz coas actuacións de Radios Cos, Xabier Díaz, Narf, Cuarteto Caramuxo e Talabarte no WOMEX a partir do mesmo día 19!