Disque a música amansa as feras e, ultimamente, tamén aos clientes. Xa hai un tempo que as grandes cadeas textís utilízana como outra ferramenta máis de marketing, cunhas listas de reprodución dignas de calquera sábado noite; aquí é cando nos entra a dúbida de probarnos uns pantalóns ou pedir unha copa.

En tempada de rebaixas, cando as tendas se converten nun campo de batalla e apreciamos como nunca antes as etiquetas vermellas e os símbolos de porcentaxe, o fío musical convértese no noso compañeiro fiel durante a procura de gangas, ese que nos recibe ao entrar na tenda, incítanos sutilmente a revolver entre as moreas de roupa, amenízanos a espera na interminable cola dos probadores e, finalmente (se houbo sorte!), despídenos na caixa.

Desde pop ambiental e indie ata rock, garage e techno, vos deixamos unha listaxe de once temas dos nosos artistas e grupos para que estas rebaixas, ademáis de abrir a carteira, abrades tamén as orellas!

Buried by Ignorance – Ivy Moon

Superfly – Mr Magoo

En el sur – Aries

I Like Your Face – Gonzalo Arca

Skeletor – Bifannah

Sunburst – Pálida

Still – David Vázquez ft. Yellow Belly

Vendetta – Presumido

Pretty & Billy The Kid – Agoraphobia

Start Your New Life – Madhero

Dancing In The Dark – Patricia Moon