"Estigma" vai acompañada dun vídeo do Colectivo Alison, coñecido por colaborar con VVV [Trippin' You] ou Ghouljaboy, e inspirado en The Passion of Joan of Arc (1928), de Dreyer. Nela, o lume e o cuarzo simbolizan a purificación que o protagonista consegue a través dun ritual esotérico nos arredores da gran cidade. As testemuñas do ritual representan o resto de nós, a sociedade, a quen observamos como espectadores anónimos, como voyeurs na escuridade da nube dixital.