Videoclip oficial do segundo single do álbum "Ascensión"(2022)


INFINITESIMAL

Nin a vida que esperabas,
nin a vida que tiveches.
Tes que contar
con que sempre acontece
o que nunca pensaches,
o que nunca planeaches
non estaba no mapa e aparece.

Nin perdidos nin máis sabios,
nin simples nin perfectos.
Cando hai que durmir
pechamos os ollos
e negamos a tristeza
e gardamos os segredos,
elaboramos teoremas de resurrección.

Nin victoria nin derrota;
alguén, algún día, dirá
que a diferenza entre caer e voar
tiña un peso infinitesimal.

As horas transcorren
nun domingo perpetuo,
mareados por esta sensación de néboa.
Os pasos perdidos
e os días felices
quizais axuden a volver, a volver.

Nin victoria nin derrota;
alguén, algún día, dirá
que a diferenza entre caer e voar
tiña un peso infinitesimal.

Nesta versión
de tempo e espazo
imponse a hibernación;
e alí, na cova,
proxectan sombras, son:
xogos de imitación.

Canción de Seso Durán
Interpretada por Seso Durán, Iago Lorenzo e José Bruno
Producida e mesturada por Iago Lorenzo
Masterizada por Robin Schmidt

Revisión de textos: Raquel Rodríguez

Dirixido por Alex Penabade e David Hernández
Guión de Seso Durán, Alex Penabade e David Hernández
Producido por ADARME VISUAL

Coa colaboración de AGADIC (Consellería de Educación e Universidades) e Xacobeo 21 - 22
INQUEDANZAS SONORAS 2022