Mr. Vieito é un músico, produtor e DJ de Negreira. Leva máis de 20 anos vivindo da música con distintas formacións de todo tipo (jazz, rock, fusión, música de rúa, verbena), pero Mr. Vieito é o proxecto persoal onde crea música electrónica de diferentes estilos como EDM, electroswing e Lo-Fi. Unha característica que destaca na súa discografía é que todas as cancións están feitas por el mesmo, desde a composición e arranxos ata a mestura e o mastering.Creou o primeiro disco de Lo-Fi galego: “Chove en Galicia”, composto por nove temas instrumentais inspirados na súa terra, nas paisaxes, nos momentos vendo chover pola fiestra... Hai verán e hai inverno, postas de sol, praias, ríos, pero tamén choiva e vento.A música Lo-Fi provoca no oínte sensación de benestar; xeralmente este estilo de música soe ser beats de curta duración para ter de fondo mentres traballas ou estudas pero, neste caso, Mr. Vieito, namorado dese son, decidiu facer cancións con melodías recoñecibles e improvisación sobre elas influenciadas pola música jazz, que é unha das súas paixóns.
Contratación
Diego Vieito 676 248 258 diegovieito@hotmail.com
Discografía
Vídeos
Por Aqueles Tempos
MR. VIEITO, BOCI
Chove en Galicia
MR. VIEITO
Eu churrasco ó forno no como
MR. VIEITO
