Premio Fluge ao Mellor Artista, Premio Ticketmaster ao Mellor Directo e Mellor Álbum de Pop por Ultraligero foron os tres galardóns que convertiron a Novedades Carminha no proxecto máis laureado da XII edición dos Premios da Música Independente. A eles seguiron Kiko Veneno, Anni B. Sweet e Rodrigo Cuevas (asturiano pero con forte vinculación con Galicia) con dous.

«É un premio súper bonito porque pop vén de popular e nesta época na que nos teñes co ego subido e a autoestima baixa, competindo por likes e por views, nós fixemos un disco para poder bailalo cos colegas apertados. É moi especial e estamos moi agradecidos porque non é só o prmio ao disco senón a unha forma de entender a música» Así agradecía Carlangas un dos premios nunha gala de entrega celebrada onte venres e que veu marcada polas restriccións derivadas da emerxencia sanitaria pola COVID-19.

Pola súa banda o Premio ao mellor álbum en galego ía parar a Segundo Fogar d’Os Amigos dos Músicos.

A lista completa dos premiados é a seguinte:

> Premio The Orchard ao Álbum do Ano: Sombrero Roto de Kiko Veneno

> Premio Radio 3 a la Canción do Ano: «Buen viaje» de Anni B. Sweet

> Premio Fluge ao Mellor Artista: Novedades Carminha

> Premio AIE ao Mellor Artista Emerxente: Rodrigo Cuevas

> Premio Ticketmaster ao Mellor Directo: Novedades Carminha

> Mellor Álbum de Pop: Ultraligero de Novedades Carminha

> Mellor Gravación de Electrónica: Puerta de la Cânne de Califato ¾

> Mellor Gravación de Músicas Urbanas: Remixes y Regalos de Kase. O

> Mellor Álbum de Jazz: La Guapería de Zenet

> Premio Gibson ao Mellor Álbum de Rock: Balanceo de Cala Vento

> Mellor Álbum de Músicas do Mundo e Fusión: Manual de Cortejo de Rodrigo Cuevas

> Mellor Álbum de Flamenco: Cuatro de Las Migas

> Mellor Álbum de Música Clásica: El Baile Perdido de Raquel Andueza & la Galanía

> Mellor Álbum en Galego: Segundo Fogar de Os Amigos Dos Músicos

> Premio Etxepare ao Mellor Álbum en Euskera: Aitzstar de Niña Coyote eta Chico Tornado

> Mellor Álbum en Catalán: Per la Bona Gent de Manel

> Premio SAE Institute á Mellor Produción Musical: Universo por estrenar de Anni B. Sweet

> Premio Sol Música ao Mellor Videoclip: «Con las ganas (versión 2009)» de Zahara

> Mellor Deseño Gráfico: Nacer en Marte de Lidia Damunt

> Mellor Artista Internacional: Nick Cave & The Bad Seeds

> Premio de Honra Mario Pacheco: Kiko Veneno