Xa sabemos que non é o mesmo espertar co son das ondas que coa alarma; almorzar ao aire libre, fronte ao mar, con tranquilidade, que ir correndo co café nunha man e a madalena a medio comer na outra. Os universitarios levan xa dúas semanas de clase, os escolares hai días que pasaron o período de adaptación e os «collemos as vacacións en setembro que hai menos xente» tamén están de regreso.

É unha realidade, a rutina volveu para quedarse... que mellor que tomala con humor? Rir libera endorfinas, reduce o estrés, mellora a autoestima, mesmo aumenta a nosa intelixencia! Por iso, seleccionamos 11 vídeos de artistas e grupos da plataforma para que as únicas bágoas que derrames sexan de risa... que para as de tristura hai tempo!

Amodiño, De Vacas

Brillet, Travesti Afgano

Arraianos, Blues do País

Feis, Tronka Jazz Quartet

Buscando a Superfama, Heredeiros da Crus

Un piatto, Banda Crebinsky

Art Decó, Paracetamol

No quiero tu piropo, Treintañeras Cañeras

Mariluz, MJ Pérez

Leiraz, Boyanka Kostova

Ostiá, IGMIG