Un xurado composto por profesionais do sector vén de elixir os 5 nominados aos Premios MIN en cada categoría, dentre os semifinalistas que votara o público. Tanxugueiras, con sete nomeamentos, é o grupo que acumula máis opcións, seguidas de Los Estanques y Anni B Sweet con seis. Este ano, Zahara acumula cinco, mentres que Ginebras* e Alice Wonder, entre outros, optan a catro e tres nomeamentos respectivamente.

Entre os premios aos que opta o trío de cantareiras están ‘Álbum do Ano’ e ‘Álbum en Galego’ por Diluvio (PlayPlan | Calaverita Records, 2022), ‘Produción Musical’ ou ‘Letra Orixinal’ por “Pano Corado”. Entre os finalistas galegos (ou con implicación galega*) destacan Ginebras*, finalistas en catro categorías, incluída ‘Mellor Artista’. Abe Rábade, Antía Muíño, Familia Caamagno, LaMontagne & PicoAmperio e Tanxugueiras son os cinco proxectos nomeados na categoría de ‘Mellor Álbum en Galego’. Completa a listaxe de finalistas da nosa terra Uxía, nomeada polo seu proxecto xunto a Javier Ruibal ao ‘Mellor Álbum de Música de Raíz’.

Os gañadores desta XV edición dos Premios MIN coñecerémolos o vindeiro 17 de abril na gala de entrega que se celebrará no Auditorium Palma de Mallorca, con Samantha Hudson como mestra de cerimonias. La La Love You, Karmento, OR (O-ERRA), Xavibo, Las Migas e shego serán as actuacións que se poderán desfrutar ao vivo. Este ano, a gala tamén volve estar aberta ao público, previa adquisición de entradas seguindo esta ligazón.

Abe Rábade

Ver en galiciantunes

Álbum de Jazz: Botánica (2022) • Álbum en Galego: Botánica (2022)

Antía Muíño

Álbum de Jazz: Carta aberta (2022) • Álbum en Galego: Carta aberta (2022)

Familia Caamagno

Álbum en Galego: O mundo está derrotado (2022)

Ginebras*

Canción do Ano: “Ansiedad” • Artista • Videoclip: "Desastre de persona" de Alberto de Santos e Javier Guridi • Directo

LaMontagne & PicoAmperio

Ver en galiciantunes | Entrevista en galiciantunes (6/3/2023)

Álbum en Galego: Algo Que Sinalar (2022)

Tanxugueiras

Ver en galiciantunes | Entrevista en galiciantunes (9/12/2019)

Álbum do Ano: Diluvio (2022) • Directo • Álbum de Música de Raíz: Diluvio (2022) • Álbum en Galego: Diluvio (2022) • Videoclip: "Averno" por Diego M. Barcia e Diego Santaclara • Produción Musical: Iago Pico e Tanxugueiras por Diluvio (2022) • Letra Orixinal: "Pano Corado"

Uxía & Javier Ruibal

Álbum de Música de Raíz: De tu casa a la mía (2022)