Neste vídeo pretendemos reflectir o efecto que provocamos os humanos no planeta: contaminación, masificación, deforestación, etc... e as consecuencias que isto ten para el e para nós mesmos.
A actualidade pon de manifesto a recuperación de diferentes ecosistemas despois de dous meses de confinamento global provocado pola covid-19.
Este período de tempo tamén serviu para compoñer e producir este tema e facer unha homenaxe ás Ong e asociacións relacionadas coa ecoloxía e o medio ambiente, polo seu labor de concienciación global. E como non, a todos os que se preocupan por coidar e preservar o medio ambiente. É nosa humilde achega que esperamos axude a concienciar de que a conservación do medio-ambiente é unha cousa de todos.
A produción audiovisual realizouse con vídeos de licenza gratuíta con "mención" ou atribución nos créditos.