O vigués Carlos Ordóñez conseguiu colocar a súa música na vangarda underground dos 90 e principios do 2000. Trátase dun personaxe realmente prolífico nestes anos: pioneiro do techno primitivo de tinguiduras escuras con Prozack; amosou a súa cara máis minimal e house en Gauss; uniuse a HD Substance en Discodé para achegarse ao música disco dos 70, ao house e a Daft Punk; montou xunto a Silvania o proxecto experimental Radio, gravando o delicioso “Radio” (Elefant, 1999); e asociouse con Alejandra Cabral para poñer en marcha Grado 33, un grupo de culto que nos deixou o imprescindible “Ya se oculta o sol” (Autoreverse, 2002) antes de disolverse.En 2021 volve a escena tras case vinte anos de silencio, utilizando por primeira vez o seu propio nome. Entrega "Retortoiro" (Ferror Records, 2021), un EP de cinco temas que é unha viaxe ao futuro cando o tempo se desvanece. Unha inmersión sonora marcada por unha calma aparente que esconde un estoupido de tensión debaixo. Estruturas que flotan eternamente no horizonte. Música para sandar e completar.
Contratación
Ferror RecordsSergio 667 264 325 ferrorrecords@gmail.com
Discografía
Vídeos
Retortoiro
CARLOS ORDÓÑEZ
