“Bella Hadid” é unha canción sáfica na que hydn, inspirada por artistas tan icónicas como Dove Cameron e Fletcher, explora unha relación entre mulleres non sexualizada, mergullándose ademais en tres xéneros musicais: o dancehall, o deep house e o trap rnb.

No videoclip vemos representado un amor tan forte e poderoso que supera fronteiras e é capaz de, a través dunha fantasía, reescribir a propia historia do cinema.

É así como nos leva a través das películas "Titanic", "Romeo+Juliet", "Say Anything", "10 Things I Hate About You"; e "Fallen Angels", reinterpretándolas a través dunha relación lésbica.

Escrita en galenglish, a compositora e cantante compara á moza que lle gusta con Bella Hadid, facendo referencia á súa forma de moverse hipnótica e icónica, así como á "dark femenine energy" que a rodea; creando unha atmosfera íntima, etérea e envolvente.