GalicianTunes: Artista

GALEGO
ESPAÑOL
ENGLISH

hydn

Precursora do galenglish, hydn introdúcenos nun mundo de fantasía, lume e escuridade. hydn crea o que define como “main character music”, unha música que, como ela mesma di “é unha especie de dark pop electrónico con influenzas de dark R&B, pero en realidade gústame xogar e beber de moitos máis xéneros”.

Cun son inspirado por artistas tan diferentes como The Weeknd, Bring Me The Horizon, Ghostemane, Tove Lo, Halsey, Ashnikko e Two Feet, entre moites outres, hydn crea unha personaxe coa que xoga co medo ao diferente e o desexo por iso. Descubrindo os nosos desexos e segredos máis ocultos e xogando cos límites da moralidade, esta artista preséntanos unha viaxe sonora única e experimental.

E ti... de que te estás a esconder?

hydn formou parte da primeira edición do programa da aceleradora cultural de proxectos musicais Sonemerxente, desenvolvido pola Xunta de Galicia e a Fundación Paideia Galiza ao abeiro dos fondos NextGenerationEU e do Mecanismo de recuperación e resiliencia do Regulamento (UE) 2021/241.