COÑECE OS FINALISTAS DA SÉTIMA EDICIÓN DOS PREMIOS MARTÍN CÓDAX DA MÚSICA. VOL. I

16 OUTUBRO 2020

Os finalistas que optan aos VII Premios Martín Códax da Música, galardóns que contan co apoio da Xunta de Galicia a través da Agadic, suman un total de 51 proxectos, aos que hai que engadir outros 9, que se corresponden cos tres Premios Organistrum.

Organizada pola Asociación de Músicas Ao Vivo, a gala terá lugar o vindeiro mércores 21 de outubro no Pazo da Cultura de Pontevedra a partir das 21.00 h, atendendo ás medidas respecto á capacidade e as condicións sociosanitarias pertinentes, e poderá seguirse por streaming desde http://premiosmartincodaxdamusica.gal/.

Ao longo de tres volúmenes coñeceremos os 51 + 9 finalistas, xunto aos vídeos dos Encontros online que tiveron con membros de MAV. Neste primeiro repasamos as categorías de Música Folk; Música Tradicional; Músicas do Mundo; Reggae, Ska e Mestizaxe; Bandas de Música Popular; e Música Infantil.