Volvemos baixar a Vigo para unha nova entrega de Directos Xacobeo’21! Lembrade que as actuacións están divididas en capítulos (un por canción). Deste xeito, resulta máis sinxelo tanto acceder a calquera parte da gravación como saber exactamente que tema escoitamos en cada momento con só botarlle unha ollada á barra de progreso. Alén diso, no propio vídeo, aparece un rótulo co título ao comezo de cada tema.

Sala Master Club

Vigo ten a sorte de contar cunha sala de concertos do talle da Master, un referente do ocio nocturno na cidade olívica. A súa creación xorde da necesidade que tiña a cidade de dispor dun lugar para acoller concertos de aforo medio e cun equipamento de primeiro nivel, tanto técnico como humano. Serviu como lanzadeira para grupos locais e acolleu bandas xa consolidadas do calibre de Dakidarría ou Dorian. A sala é fácil de atopar, xa que se atopa ubicada nunha rúa concorrida como é Urzáiz. A Master xa se fixo coñecida non só no panorama galego, senón tamén a nivel estatal e mesmo no norte de Portugal.

Dirección: Urzáiz 1, 36201 Vigo, Pontevedra

Web: http://masterclubvigo.com/

Maldito Murphy

Perfil en galiciantunes

Firmes crentes da ley de Murphy e, con todo, motivos non teñen. Esta banda viguesa de pop rock comezou en 2015 e, desde entón, converteuse nun referente da escena galega. O proxecto, comandado polo cantante vigués Juan Castro (guitarra, voz), vai crecendo e acaba por adoptar a formación composta por: Diego Fernández (guitarra solista), Sebas Yepes (baixo) e Aarón Starsailor (batería). O seu LP No éramos tan ciegos (2017) lévaos a acadar o premio ao Mellor Disco Autoeditado nos Premios da Música Maketón Los 40 Vigo. En 2019 reedítano e engádenlle catro temas novos; neste último, o seu son incorpora tinturas country e blues dun xeito maxistral.

BlackStereo

Que ocorre se mesturas un pouco de jazz, unha pizca de rock and roll, moito funk e unha cantidade inxente de soul? Obtemos aos BlackStereo! A máxima desta banda viguesa é poñer a todo o mundo a bailar, polo que imprimen a súa paixón e respecto por estes estilos nos temas que interpretan e, por suposto, o resultado é espectacular. Estes cinco músicos xa contan cunha bagaxe persoal moi completa, é por iso que saben como adaptarse a estes estilos á vez que xeran un selo propio e distintivo.

Stoned at Pompeii

Desde a cidade olívica chegan para facernos estremecer co seu rock duro, Adolfo FH (guitarra, voz), Antón F. Piru (baixo), Cristian García (batería) e Paul Rodga (guitarra). Polo de agora, xa tocaron nalgúns escenarios internacionais e mesmo «sagrados», onde actuaron grupos lendarios como Led Zeppelin o Pink Floyd, ou en festivais do talle do Resurrection Fest. Á hora de nomear a banda inspiráronse na película documental de Pink Floyd, Live At Pompeii(1972), pero decidiron darlle un xiro máis contundente. Así son eles e as súas letras, cargadas de toques de rock psicodélico, metal, post punk… todo isto en inglés, buscando favorecer á súa proxección internacional.

Moon Cresta

Con xa máis de 20 anos de traxectoria musical, esta banda viguesa formada por Manu «Doble L» (guitarra), Manu Ares (batería), David «Mr. D.» Vázquez (voz, teclados) e Antón F. «Piru» (baixo), soborda rock e acción por todas partes. Baixo o lema «power & funk»sacaron xa catro discos, mais a súa verdadeira esencia emana cando soben ao seu ecosistema por excelencia, o escenario; dos seus directos fan esta promesa: «haberá baile, suor e xúbilo!» Tras dúas décadas en escena, a Moon Cresta segue a gustarlle experimentar e evolucionar. Para eles, estancarse non é unha opción.