GalicianTunes: Artista

GALEGO
ESPAÑOL
ENGLISH

Artabe

Con dous discos editados ("Canciones de Pan", 2014 e "Cataratas", 2015), Rubén Artabe, músico e compositor galego, amante da arte persoal, ousado, innovador e inquedo, comeza unha nova etapa musical marcada por cambios persoais e un novo rumbo cara unha evolución e experimentación no seu concepto musical.

Ruben comezou na música na década de 90, como parte de varias bandas de rock ao longo dos anos (Poetas Urbanos, Neusia, Fakir), desenvolvendo traballos de guitarrista, compositor e letrista. Xa en 2013, a súa vida creativa dá un xiro e comeza a andar o seu propio camiño como solista, compoñendo material propio e editando referencias marcadas por un estilo musical intimista e rico en poesía. Vencedor do II Concurso Santiautor, Ruben Artabe subliña o papel da música como unha ferramenta de liberación e transformación do ser humano.

Artabe, unha nova identidade chea da súa propia esencia, e un novo disco, "Punto Cero", marcan esa busca de renovación e ese xiro na súa carreira. Un son máis eléctrico e elaborado, cheo de texturas e cores, cancións máis preto do pop, rock ou a música hipnótica, psicodélica e ambiental. Artabe mudouse para Madrid para absorber a inercia cultural da cidade e á súa vez poder traballar con nomes como Manuel Cabezalí (Havalina, Lázaro, Miss Gi, Pupila, Rufus T. Firefly, etc.), entre outros profesionais, para, así, afondar nesa busca interna e musical, ámbalas dúas totalmente conectadas na súa arte.