GalicianTunes: Artista

GALEGO
ESPAÑOL
ENGLISH

CAXADE

CAXADE é o novo proxecto persoal de Alonso Caxade. Indie-folk cun arrecendo a música minimalista e a sons bucólico-pastorís da vella Europa. Música elegante, modesta e sinxela, surrealismo post-modernista e discurso reivindicativo, metafórico e irónico.

CAXADE é neste momento unha banda musical, pero naceu no último trimestre de 2012 como un proxecto audiovisual transgresor a través da publicación das vídeo-creacións "Dança dos Moscas", "Gente Pota" e "Sr. Xorda" (con Javier Antelo Seoane, Iria Pinheiro e Tánia Ameneiro), un universo surrealista de persoas poderosas con cabezas que soan ao choco das potas, que moven fíos para enganarnos no menú que temos que comer, con intencións de ilusionarnos converténdonos en moscas danzando arredor do seu manxar favorito e que, no fondo, crean a utopía coa que soñan: que non nos escoitemos nin nos organicemos, porque eles tampouco queren oír.

Premio Opinión ao Mellor Artista e Gañador do Certame Música Xove

Nominado aos Premios Galegos da Música, aos Mestre Mateo e aos Premios de la Música Independiente

Alonso Caxade (voz e acordeón) presenta o seu primeiro disco "A Dança dos Moscas" xunto a Manu Paino (trompeta e carillón), Manu Espinho (bombardino) e Xosé Tunhas (batería).