"O Barrio, O Quente" é un dos temas máis icónicos de Adira, tanto polo seu son como pola súa imaxe. Producido polo propio artista e cantado en galego, este tema colle a esencia do trap americano para levalo ao seu terreo: unha música directa, feroz e con identidade.

A canción fala de loitar un só contra o mundo, de superar obstáculos, enfrontarse aos inimigos e saír adiante con determinación. É trap agresivo con mensaxe clara: ninguén pode contigo se xa atravesaches o peor. O beat é crú, o flow é afiado e o retrouso ten unha forza que o converte nun dos momentos máis intensos nos concertos de Adira.

O videoclip, realizado por Xplicit Prods, presenta unha estética moi marcada, con luces artificiais e tons azuis. Nel, o artista leva unha pitón reticulada real enriba dos ombreiros, reflexo do seu tatuaxe e da súa mensaxe: poder, dominio e perigosidade controlada. A posta en escena xera unha atmosfera de tensión que encaixa perfectamente coa música.

"O Barrio, O Quente" é unha referencia do trap galego underground. Feita desde a independencia e co corazón na man, representa á perfección a identidade artística de Adira.