"De Madrugada" é un tema escuro, agresivo e profundamente emocional, no que Adira expresa sen filtros a dor dunha ruptura. Escrita e cantada en galego, esta canción mestura trap duro con sentimentos de cansaço, loita interna e necesidade de cortar co tóxico. A produción, tamén a cargo de Adira, combina pianos tristes, bases contundentes e unha atmosfera que bebe do trap americano, pero cunha identidade moi propia.

A letra fala dunha relación que xa non ten volta, dunha rapaza que segue chamando de madrugada cando xa non queda nada que salvar. O artista quere afastarse, romper, liberarse. Os versos rapeados son cortantes, mentres que os estribillos melódicos achegan unha dor contida, pero firme.

O videoclip, realizado por Xplicit Prods, foi gravado na cidade da Coruña. Cores vermellas, luces nocturnas, rúas frías e unha posta en escena urbana, acompañada da colaboración coa marca de roupa Ángel Andemón. A imaxe reflicte perfectamente a loita entre o que se sinte e o que se decide.

"De Madrugada" é un retrato emocional en clave trap: sincero, potente, e cunha estética que reafirma o estilo persoal de Adira como artista sen máscaras.