GalicianTunes: Artista

GALEGO
ESPAÑOL
ENGLISH

Sr. Salvaje

"Sr. Salvaje oposita ao cume do rock and roll estatal co lanzamento do seu primeiro disco" - Mariskal Rock

“Sr. Salvaje compran billete para ser unha das nosas bandas de rock máis destacables de aquí a moitos anos“ - V. Neira (Faro da Cultura)

Afianzados como unha das bandas revelación do panorama rock and roll santiagués dos últimos anos, Sr. Salvaje publica o seu segundo disco, “Vuela” (2023). A banda volve á carga para seguir facendo vibrar ao público nesta nova xira na que percorrerán Galicia e parte da península presentando ao vivo o seu último traballo.

“Pártese dunha base clásica de rock e vanse achegando matices que levan do soul ao country e a sabores anellos e sureños tan apreciados no xénero como o sabor das súas guitarras e o peso da súa base rítmica, ademais dunha voz que completa o atractivo pack que enganchará a fieis de Tarque e os seus M Clan, Playa Cuberris ou Los Zigarros por citar algúns exemplos”.

“Un traballo que vén cheirando a gasolina, apurando cada grolo de Jack Daniels e coa tatuaxe nas costas dunhas ás de anxo fugitivo e feito nun garito, nalgún dos infernos que onte pechamos nesas horas nas que nin sequera che queren xa atender nos after”.

“Guillermo Vistoso en voz e guitarras, Antón Torroncho ao baixo, Emilio Iniesta á batería e Manuel Gómez nas teclas como máis recente incorporación, forman a aliñación que defenderá este sobresaliente novo álbum, completado coa colaboración de Iago Pico nas tarefas de produción artística e Arturo Vaqueiro como enxeñeiro de son”.