A Sombra dos Soños é o proxecto musical do compositor, guitarrista e cantante galego Jose Carballido, no que o rock e o metal conviven coa música tradicional galega e elementos electrónicos. Para dar vida a este universo sonoro, Carballido rodéase dunha sólida banda de experimentados músicos formada por Daniel Añón (guitarras), José Roca (teclados), Javi Carrión (baixo) e Diego Lestón (batería).No 2023, a banda publica o seu primeiro álbum, titulado “I”. Ao longo de 2024 e 2025, o proxecto continúa con varios sinxelos nos que se acentúa a influencia tradicional e se incorporan pinceladas electrónicas que dan novos matices ao son da banda. Estas texturas conviven organicamente co rock que sempre estivo presente na súa música, combinando momentos intensos e contundentes con outros máis tenros e íntimos, sen deixar de lado a troula e o baile. Estas pezas acaban conformando o EP “Lembranzas Futuras”, que ve a luz en xuño de 2026.Carballido amosa no seu proxecto a continua transformación que experimenta como músico e compositor, partindo das súas raíces galegas, da súa formación clásica e das influencias do rock, sen perder de vista as vangardas. A Sombra dos Soños é, en definitiva, unha proposta que une memoria e innovación, tradición e modernidade, na procura dunha obra atemporal nun universo propio e inexplorado.
Contratación
Chisco Pazos 686 666 148 contratacionasombra@gmail.com
Discografía
Vídeos
O Meigallo
A SOMBRA DOS SOÑOS, LA REYES
Ti es vida
A SOMBRA DOS SOÑOS
Muiñeira dos Soños
A SOMBRA DOS SOÑOS
A Cantareira
A SOMBRA DOS SOÑOS
Muiñeira do Areal
A SOMBRA DOS SOÑOS
