Auto Sacramental é o proxecto de Jorge Mills, músico madrileño afincado en Santiago, con influencias que van do synth pop ao pospunk e letras cargadas de ironía e sátira política.En 2019, Auto Sacramental debutou cun EP dixital producido por Guille Mostaza no que exploraba a mística da España negra a ritmo baile e que incluía o trallazo de synth punk ‘Sierra Norte’, considerado un novo himno alternativo por medios como Jenesaispop. En 2021 estreou o seu primeiro álbum, “Cuestión de fe” (2021) do que saíron varios singles, entre eles ‘Vigilia’ (unha balada de synth pop apocalíptico xunto coa madrileña Caliza), ‘Demonología’, ou ‘Segunda Venida’, cun vídeo do cineasta galego Javi Camino protagonizado pola artista compostelá Elba Souto.Dous anos despois volven con nova formación, mudando o synth pop irónico do seu debut polo pospunk máis afiado, envolto en guitarras distorcidas e fríos sintetizadores.‘Estigma’ (2023) é o primeiro adianto dun vindeiro EP editado por Ferror Records, que trata sobre o estigma social e como sufrir esa violencia nos transforma para sempre. Fálanos da ansiedade de sentirse constantemente observado e xulgado polos demais até alcanzar o punto de non retorno. Xogando, ademais, co dobre significado da palabra estigma: unha marca de escravitude e infamia, ou a marca da salvación segundo a fe cristiá.A nova formación para directos de Auto Sacramental é: Jorge Mills (voz, sintes, sampler), Beta (baixo, coros) e Pedro Solla (guitarra).
Contratación
Jorge Mills sacramentalauto@gmail.com
Discografía
Vídeos
Estigma
AUTO SACRAMENTAL
Demonología
AUTO SACRAMENTAL
Arde
AUTO SACRAMENTAL
Sierra Norte
AUTO SACRAMENTAL
