GalicianTunes: Artista

GALEGO
ESPAÑOL
ENGLISH

Cró!

CRÓ! é o seu nome, o seu mantra particular, o eco dentro do Nierika, o clamor shamánico que xorde baixo o formigón do Vigo industrial. O cuarteto desborda o estanque que chamamos rock, derrama jazz, música clásica, free, hardcore, músicas do mundo...

A medio camiño entre King Crimson, Dillinger Escape Plan, Huun Huur Tu, Radiohead, Fugazi, Igor Stravinsky, Atomic, The Bad Plus... Cró! acadan asimilar todas as linguaxes, destilalas, pinga a pinga, nun esforzo sintético sen igual na historia da música eléctrica española, culminando cos seus catro extraordinarios traballos desde o seu nacemento en 2007: “Cró” (2009), “Onkalo” (2012), “Pera” (2014) e “Mounstros” (2016).

O seu recoñecemento de crítica a nivel nacional e internacional onde, sen dúbida, o seu feroz, desapiadado e á vez sutil, virtuoso e minucioso directo deixa patente que son unha das bandas máis en forma do panorama.

Actualmente a banda presenta “BUAH!” (Spinda Records/Kill Vinyl Records, 2022), unha nova aventura sonora que indaga nas matrices da música electrónica, pero sen abandonar a canción e as súas ferramentas analóxicas; un proceso creativo novo que, como cada paso da banda, non fixo máis que dilatar e desenvolver a capacidade e as habilidades dos seus catro executantes: Xavier Núñez (teclados, voz), Rubén Abad (guitarra, voz), Cibrán Rey (batería, voz) e David Santos (baixo, voz).