IX Voltios nace hai catro anos como un trío de rock e dun xeito natural, sen máis pretensión que ser unha pura diversión para os seus compoñentes e unha maneira de seguir expresándose en forma de música. Tres dos seus membros veñen de proxectos anteriores (Superglú no caso de Carlos Filgueiras e Pachamama no de Miguel Porto e Rubén Appratto, membro tamén este último da banda Carmen Rey).Axiña comezamos a crear novos temas. Foron xurdindo desde unha perspectiva de trío, procurando un son potente e contundente, baseándonos en estruturas non convencionais e letras impecables co selo de Carlos.Desde entón non paramos de crear. E con moito esforzo conseguimos ser autosuficientes no xeito de facelo: temos o noso pequeno estudio de grabación, o que nos permite non escatimar en tempo á hora de compoñer.Hai un ano que a banda se transforma nun cuarteto coa incorporación de Tito Calviño, considerado un dos mellores guitarristas do actual panorama musical en Galicia, parte esencial do proxecto Sés, de María Xosé Silvar.Ata hai uns meses, a nosa prioridade foi crear un repertorio propio de 23 temas, deixando a un lado a saída aos escenarios."Vuelta a empezar" será o noso primeiro videoclip. Estreamos web: www.ixvoltios.es, e as redes sociais van botar fume co obxectivo, AGORA SI, de vernos nos escenarios.
Contratación
Paz&RecordsMiguel (+34) 620 148 441 ixvoltiosmusica@gmail.com
Discografía
Vídeos
Vuelta a empezar
IX VOLTIOS
