• GALEGO
  • ESPAÑOL
  • ENGLISH
     
A Gramola Gominola

Música para todos os públicos e letras adaptadas para a xente miúda, xorde así unha banda para “cativos de 0 a 99 anos”. Esta é a proposta de A Gramola Gominola, un novo grupo de música infantil composto por Paula Romero, Rodrigo Muñoz, Paco Cerdeira e Anxelo de Xermar, case todos eles con sobrada experiencia co público infantil, que se diferencian doutras bandas ao faceren concertos cheos de humor ao tempo que didácticos e participativos e con moito rock infantil. Nos seus espectáculos fan un repaso pola historia da música onde os espectadores poden coñecer diferentes estilos dende o blues ao reggae, pasando polo pop, country, rock ou ska.

Este repaso polas orixes e a evolución da música moderna serve de fío condutor para falar de valores tan esenciais como a amizade, a familia, a natureza e os seus recursos... todos estes (e moitos máis) incluídos nas súas letras. Cunha posta en escea chea de cor e momentos cómicos que fai as delicias do público e que atrapa e gusta por igual a cativos e a maiores, A Gramola Gominola ten claro que a aprendizaxe pode facerse tamén a través de humor, diversión e retrousos de rock and roll.

O seu primeiro traballo, un libro-cd homónimo da Colección Sonárbore (Editorial Galaxia, 2015) con 10 temas propios e que conta coa colaboración de artistas tan dispares e coñecidos como Mini e Mero (A Quenlla), Luis Tosar, Pablo Dalama, Gendebeat ou Alberto Cereijo.

Contratación

Distribución Kandengue Arts
María Mariño
(+34) 698 147 660 - (+34) 645 347 182
kandenguearts@gmail.com

Discografía

Cancións para desafinar

A GRAMOLA GOMINOLA

2017, Ed Galaxia

A Gramola Gominola

A GRAMOLA GOMINOLA, CON LUIS TOSAR, MINI E MERO, PABLO DALAMA, ALBERTO CEREIJO, CARLOS XENDERAL

2015, Editorial Galaxia

Vídeos

Campión internacional (videoclip)

A GRAMOLA GOMINOLA

Presentación na Biblioteca de Montealto

A GRAMOLA GOMINOLA

#PrazadosLibros de Carballo

A GRAMOLA GOMINOLA

Nadal en Rede 2015 (Celanova)

A GRAMOLA GOMINOLA

Salón do Libro Infantil de Pontevedra

A GRAMOLA GOMINOLA

A Gramola Gominola (Booktrailer)

A GRAMOLA GOMINOLA

Tal vez tamén che gusten