Os Esmolantes, Audio Oficial
Tema incluído no álbum “Pelerinaxes”

Música e letra: Galkan
Música orixinal: Florencio o cego dos Vilares
Percusión: Eloi Pascual
Gravación e mestura: Eloi Pascual
Masterización: Abrigueiro Estudios
Deseño da portada: Lina L. From Our Mind

Letra:

Quer que lle quer que lle lean na cama
Cun sorriso despois de chegar
E que lle garden o conto nas mantas
E que lle deixen un bico na man

E seica non ten, e seica non ten
E que no baile xa pode bailar
Quer que lle quer que lle lean na cama
E que lle deixen un bico na man

Quer que lle quer que o leven á praia
Desas que quecen despois do verán
E que se senten con el na montaña
Cunha ramiña para debuxar

Pares’que non ve, pares’que non ve
Por moito que non hai nada que mirar
Quer que lle quer que o leven á praia
Cunha ramiña para debuxar

Quer que lle quer que lle quiten as ganas
E que lle deixen algo de cear
Quer que lle quer que lle borren as marcas
Mentres pasea pertiño do val

E disque non quer, e disque non quer
E disque non quere quedarse a agardar
Quer que lle quer que lle quiten as ganas
Mentres pasea pertiño do val