Galkan é unha banda galega que constrúe unha proposta musical propia a partir das raíces tradicionais, tomando como base ritmos como a muiñeira e a xota e levándoos cara a novas sonoridades. A súa música transita desde o folk fusión galego ata ritmos doutras latitudes, como a rumba, incorporando tamén influencias do punk, cun son que transita entre o acústico e o eléctrico.O proxecto comeza a xermolar en 2018 durante unha viaxe por Latinoamérica, marcando fondamente a identidade sonora e conceptual da banda, onde as letras ocupan un lugar central, abordando temas como o feminismo, a protección da infancia, a identidade galega, a conexión con Latinoamérica e as vivencias persoais de quen compón.A banda está formada por Lina Lóbui (voz), Cristian Rodríguez (baixo, pandeireta e voz), Abraham Herrero (ventos e voz), Manu Castro (guitarra), Lucía Pretone (violín) e Pablo Barrio (percusión).En marzo de 2024 publicaron o seu primeiro EP, “Galkan”, composto por cinco temas, coa colaboración do percusionista e compositor vigués de jazz Eloi Pascual na gravación, mestura e masterización.No verán de 2026 publicouse o primeiro álbum da banda, “Pelerinaxes”. Este novo traballo, composto por oito temas, incorpora novos referentes como Florencio, o cego dos Vilares, e a forza poética de Paco Souto. Paralelamente, a banda está a consolidar a súa presenza nos escenarios galegos, cunha actividade en directo crecente en salas e programacións ao longo de todo o territorio.
Contratación
Cristian Rodríguez 622 15 42 37 - 682 67 77 33 galkanproxecto@gmail.com
Discografía
Vídeos
Pareidolia
GALKAN
Pelerinaxes
GALKAN
La Percusión De Mi Pecho
GALKAN
Desacougo
GALKAN
Os Esmolantes
GALKAN
Rumba Meirega
GALKAN
