O Festival dos Eidos é un evento singular de cultura de vangarda realizado no medio rural, que se celebra ao redor da Casa-Museo da Fundación Uxío Novoneyra, no Courel, en 4000 m² de patrimonio arquitectónico, cultural e natural na aldea de Parada e a Serra do Courel. O festival presenta un programa de perfil multidisciplinar, sempre coroado pola mellor música e poesía nas súas diferentes manifestacións.

O obxectivo principal de Eidosfest dende o seu inicio é servir de fito central da programación da Fundación para o fomento de públicos no seu territorio ao dotar dunha programación musical e cultural contemporánea a un territorio isolado e remoto como é o Courel.

Premio do Público Culturgal 2019

Promotores: Fundación Uxío Novoneyra

Ano de creación: 2015

Periocidade: anual

Duración: 3-5 días

Lugar de celebración: Fundación Uxío Novoneyra

Datas aproximadas de celebración: 26-28 de agosto 2022