Seixo é, definitivamente, un dos novos proxectos da música galega que vai dar do que falar nos próximos tempos. Encadrado na nova onda da escena do país, Diego Salgado e Bazait desmárcanse cun son profundo, escuro e adulto con influencias que van dende o house e o trip-hop ata o UK garage.Os ritmos sincopados e complexos fusiónanse con ambientes amplos e melodías vocais que entran polo oído para quedarse, e líricas que falan de dilemas humanos, saúde mental e unha espiritualidade primitiva dende un estilo simbolista cheo de metáforas reviradas. Na era do novo punk e o trad, Seixo vén armado ate os dentes con músicas estrañamente confortables e unha mirada curiosa e aceda.Este proxecto nace en 2023 da necesidade de Diego Salgado e Bazait de explorar novas sonoridades fóra da música que estaban afeitos a facer. Saíndo do minimal no caso de Bazait e da música urbana no caso de Salgado, deciden darse a oportunidade de xogar nun campo común para dar vida ao son de Seixo, usando as ferramentas compositivas e de produción que foron adquirindo ao longo das súas nutridas carreiras musicais.
Contratación
Diego Salgado 659 435 869 seixo.musica@gmail.com
Discografía
Vídeos
Ansiedade
SEIXO
Présa
SEIXO
