Despois de anos de rodaxe e múltiples experiencias e colaboracións, no 2011 Begoña Riobó pon en marcha o quinteto “Riobó” co que grava un primeiro disco de título homónimo.En Riobó a tradición e a vangarda míranse nun imaxinario espello onde atopamos as súas coincidencias e a imposibilidade de solapamento, de superposición dunha imaxe respecto á outra.No seu repertorio o quinteto mergullase nas diversas posibilidades dos instrumentos máis tradicionais. Entretecendo a música de autor coa música de raíz. Interpretando pezas para escoitar inspiradas en todo momento nos ritmos máis bailables, nunha aposta clara pola música galega feita e aínda por facer.O grupo está formado por: Begoña Riobó (violín e voz), Marcos Campos (gaita, acordeón e frautas), Fernando Pérez (frauta e requinta), Xosé Liz (bouzouki) e Fernando Barroso (guitarra).No ano 2013, entre outros concertos e festivais, Riobó foi cabeza de cartel o día 12 de xullo no Festival do Mundo Celta de Ortigueira, compartindo escenario con grupos da primeira fila internacional . No 2014 Riobó realizou diversos concertos en solitario e tamén en festivais, entre os que destaca o Festival de La Luz, organizado por Luz Casal en Boimorto, no que compartiron escenario con Narf Trío, Kiko Veneno, Los Secretos ou Quique Gonzalez entre outros. Como sempre, a enerxía, a elegancia e o virtuosismo de Begoña Riobó, acompañada pola súa banda, fixeron as delicias dun público entusiasta que acabou bailando as súas muiñeiras.
Contratación
Armúsica Antón Rodríguez (+34) 986 337 069 - (+34) 678 578 013 anton@armusica.es
Discografía
Vídeos
Riobó e Liz
BEGOÑA RIOBÓ
Brincadeira
BEGOÑA RIOBÓ
Retello
RIOBÓ
Fox
RIOBÓ
Concerto no Festival de Ortigueira 2013
RIOBÓ
Gallegas de diez . Begoña Riobó
RIOBÓ
