A palabra “mordem” está sacada dun poema de Rosalía de Castro, e serviu a Elba Fernández para bautizar o seu novo proxecto. Elba Fernández deuse a coñecer en 2010 baixo o nome de Jane Joyd e coa súa primeira maqueta resultou gañadora do Proyecto Demo 2011 de Radio 3 e do Festival Internacional de Benicássim.En 2012 publicou o seu primeiro EP, “Shy Little Jane Presents: The Dramatic Tale Of Her Animals”, seguido por unha segunda entrega un ano despois, “Shy Little Jane Presents: So Lost In This Bleak Winter Landscape”, ambos editados por Origami Records.Aqueles que coñezan esa etapa, atoparán neste novo alter ego de Elba a mesma habilidade para crear ambientes e estados, pero en Mordem non predominan as cordas, e o folk da súa anterior encarnación deu paso a sons máis variados, ás veces cercanos ao trip-hop, outras ao novo R&B, o ambient, o pop, o dreampop… todo atravesado por pianos contemporáneos que van vertebrando, xunto con voz e coros, un novo estilo máis nórdico e menos americano.O primeiro disco de Mordem publicouse o 29 de setembro de 2017, “Fragments to Dominate the Silence” (The Winter Hunters), gravado e mesturado en Estudios Reno por Luca Petricca e masterizado por Fred Kevorkian (NY). O disco conta coa colaboración de grandes músicos como Xavi Font ao piano, David Unison ás baterías e a produción, e Manuel Cabezalí á guitarra.
Contratación
DesveloXiana Fumega xiana@desvelo.eu
Discografía
Vídeos
Magma
MORDEM
All of Me is You
MORDEM
