GalicianTunes: Artista

GALEGO
ESPAÑOL
ENGLISH

BABYKATZE

BABYKATZE é unha fantasía. Ela gravita máis alá dos límites disciplinares. Compositora, produtora musical, realizadora audiovisual, costureira, artista dixital e modelo. De forma totalmente independente, BABYKATZE profundiza no seu imaxinario.

Os gatos e os sintetizadores acompañan a BABYKATZE nesta viaxe inmersa na que atopamos impulsos telúricos, a transformación persoal e o puramente físico.

“BLUT” é o seu último traballo, un EP de hyperpop con catro cancións de esencia orgánica e con vontade narrativa, como queda reflectido no videoclip “ZK” no que BABYKATZE interconecta varias dimensións.

A principios de 2019 escoitamos o seu primeiro single e videoclip “New Start” e, uns meses máis tarde, presenta o EP “Inner”, publicado por Seeking the Velvet, selo da produtora galega Cora Novoa. Xa en 2020, os EPs “HARD” e “BLUT”, varios videos e os seus concertos no Festival de Cans, BIME Pro Bilbao ou as Festas de Vigo nos permiten adentrarnos completamente no seu particular universo.