Peña é un proxecto conformado por Toño Magariños (diola, Unicornibot), Rubén Abad (Cró!, Trilitrate) e Elena Vázquez (Trilitrate). Estes tres músicos do sur de GZ experimentan coas tradicións do pop, o folk e a música electrónica para perfilar un proxecto que xira en torno ao amor en todas as súas formas.As súas cancións de moldes sinxelos e arranxos imposibles presentáronse en “Fórmula” (2020), EP de tres cancións cos seus respectivos videoclips elaborados pola propia banda e as produtoras Rubén Domínguez (Prenom) e Montse Piñeiro. “Fórmula” foi editado nunha tirada exclusiva en casete que se esgotou en cuestión de horas.Ese mesmo ano de confinamento e parón de actividade foi empregado pola banda para rematar o seu primeiro disco de longa duración, “Carreiro”, editado en abril de 2021 en vinilo e dixital polo selo Repetidor, ademais de sendas tiradas en CD e casete por parte da banda e selos amigos.Coa axuda dunha chea de amigas e colaboradoras —Pedro Fariñas (Caldo), Xavi Bértolo e David Santos (Cró!), Laura Iturralde, Montse Piñeiro, David Arroyos, Xavi Muñoz, Iván Olmedo (Gancho Sanches), etc.— gravaron un disco de visión ampla e produción ambiciosa sobre unha serie de nove temas sinxelos que forman parte do seu cancioneiro.Actualmente atópanse en proceso de ensinalos ao público en directo en diversos formatos.
Contratación
UrdimeÁngela Vila +34 698 13 29 35 distribucion@urdime.net
Discografía
Vídeos
Burato
PEÑA
Fórmula
PEÑA
Fai o que queiras
PEÑA
Ensíname
PEÑA
