GalicianTunes: Artista

GALEGO
ESPAÑOL
ENGLISH

Cris Castro

Nacido en Chile, Cris Castro chega a España en 2004 para dedicarse profesionalmente á música.

Desde ese momento, Castro traballou como instrumentista en varias orquestras, ademais de colaborar con gran cantidade de bandas do panorama galego, para, posteriormente, dedicarse á docencia; actividade que realiza na actualidade, impartindo clases de música en diferentes escolas da comarca de Ferrol.

Aínda que sempre se dedicou á batería, a súa inquietude como compositor lévao a dar o salto en solitario e lánzase a gravar os seus propios temas, cancións de fondo social nas que nos convida a amar e reflexionar a través da música. Para iso, sérvese doutros instrumentos cos que tamén se sente cómodo, como a guitarra ou o piano.

O primeiro single viu a luz en setembro de 2020, ao que lle seguiron outros de xeito paulatino.