GalicianTunes: Artista - Diego Flâneur & ünder

GALEGO
ESPAÑOL
ENGLISH

Diego Flâneur & ünder

PLATAFORMAS E REDES SOCIAIS

Diego Flâneur & ünder (Lugo, 2001) son dous artistas lucenses cunha proposta que camiña por diversos xéneros, vertentes e ritmos, sen deterse e sempre coa influencia do hip-hop.

Por medio de referencias culturais heteroxéneas, extraídas do cine, do mundo da arte ou da propia música, estes dous artistas crean un imaxinario amplo con temáticas variadas que, a pesar de confluír nalgúns traballos, non sempre son as mesmas. Dende a nostalxia ou o costumismo ata ambientes máis alegres e festivos, relacionados co amor, a tradición e a cotiandade, así como feitos concretos da súa cidade e da súa vida.

Aínda que sempre aparecen xuntos no escenario porque un non se pode entender sen o outro, nin no proceso creativo nin no directo, cada un ten o seu propio proxecto, aínda que anden un camiño que conflúe constantemente. O idioma non é un condicionante para eles: no seu repertorio aparecen letras en galego e en castelán, empregándoas indistintamente pero sempre atendendo ao mellor para cada proposta.

Ambos pertencen ao selo lucense FAT Music.