GalicianTunes: Artista

GALEGO
ESPAÑOL
ENGLISH

Emilio Rúa

Emilio Rúa leva trinta anos no mundo da música.

Comezou na orquestra familiar Concorde Atenea formada polo seu pai e os seus catro irmáns maiores, con sete anos de idade.

Foi no ano 2000 cando publica o seu primeiro traballo discográfico homónimo con temas inéditos (Edicións do Cumio 2000). Logo chegarían "Vida Miña" (Boamusic 2006) e "Interior" (Paimúsica 2009), ao que engadiría un libro-disco co escritor e poeta Xosé Carlos Caneiro (Galaxia 2010).

Sen esquecer os dous premios nacionais de canción de autor de Ceutí e Elche, cantando sempre en galego.

En 2012 edita o seu quinto traballo titulado “Destino Sur”, producido por Emilio Rúa e Segundo Grandío no que o son camiña cara ao folk americano co que o autor ve unha ligazón coa música galega. Pero sempre co estilo persoal e característico que o representa en cada un dos seus traballos.

Cancións propias e versións de temas como La Chica de Ayer de Antonio Vega, Somewhere Over The Rainbow do filme El mago de Oz, Miña Maruxa de Andrés do Barro ou a revisión do clásico galego María Soliña, forman as cancións deste novo disco que respira aires do sur, americanos e ourensáns.