Fran Pérez (Silleda, 1968 – Santiago de Compostela, 2016) —máis coñecido como NARF— foi un compositor e cantor de longo percorrido, parte do cal estivo ligado ao mundo lusófono. Gustáballe definirse como “cancionista” e a súa obra caracterízase pola forte personalidade e a procura constante de orixinalidade.Editou cinco discos como NARF: "Nas tardes escuras" (2013), con poemas de Rosalía de Castro; "Aló irmao" (2010), con Manecas Costa; "Tótem" (2007) e "Directo en Compostela" (2003). O seu derradeiro álbum, “Baladas da Galiza Imaxinaria” (2015), foi xunto a Uxía.En solitario, a dúo, trío ou con banda, presentou a súa música en festivais internacionais como o Mercado Cultural de Salvador de Bahía, Câmbio Sonoro (Recife), Antídoto (São Paulo), varias edicións do Festival d'Agosto (Maputo), Festival de Mindelo ou Cantos na Maré (Pontevedra). Tamén noutros ámbitos como Bafim (Bos Aires), London City Festival (Londres), Feria del Libro (A Habana) ou Liet Lavlut (Östersund), onde acadou o segundo posto no concurso da canción en linguas minorizadas europeas. Levou tamén a súa música a escenarios de Bissau, Varsovia, Nova Delhi, Katmandú, Brighton, Barcelona, Cracovia ou Newcastle.Sempre na procura de novas fórmulas artísticas, impulsou experiencias de creación, intercambio e coprodución, como os proxectos Bumba ou Da Zigala a Zemambiquo, cos mozambicanos Timbila Muzimba, ou "Aló irmao!" co guineano Manecas Costa, co que conseguiu o Nº1 nas listas radiofónicas da RDP África coa canción que lle dá nome ao proxecto.
Contratación
Discografía
Vídeos
Onda soante
UXÍA, NARF
Nas tardes escuras
NARF TRIO
A morte saiu à rua (Extraído do festival Terra da Fraternidade)
NARF
Woman rain
NARF
Tomorrow
NARF
Quero ser tambor
NARF
