GalicianTunes: Artista

GALEGO
ESPAÑOL
ENGLISH

APHONNIC

METAL
ROCK

Despois de tres discos editados: "Silennce" (Pai Música, 2003), "Foolproof" (autoeditado, 2006) e "6 Bajo Par" (autoeditado, 2009), Aphonnic presenta en 2013 o seu cuarto disco, titulado "Héroes". Producido por Vasco Ramos (More Than a Thousand), coproducido por Dani Obenza, gravado nos estudios Poison Apple de Lisboa (Portugal) e mesturado e masterizado por Paul Leavitt nos Valencia Recording Studios ¬ U.S.A. (All Time Low, Circa Survive, Darkest Hour…).

Un novo disco coidado ao milímetro en cada un dos once cortes que o compoñen. Tanto Vasco Ramos como Dani Obenza deron unha frescura inigualable a este novo traballo, que dará moito que falar. Potencia, agresividade, melodía e sentimento danse cita en "Héroes". Letras de rabiosa actualidade cun punto de vista diferente, outra prespectiva, outra volta de rosca.

Despois de máis dun cento de concertos por todo o territorio nacional compartindo escenario e acompañando en moitos casos a grupos do talle de Hamlet, Sober, S.A., Berri Txarrak, Angelus Apatrida, Skizoo, Habeas Corpus, Def Con Cos, Reincidentes, Boikot…; despois de poder asistir a festivais como o Derrame Rock ou o Resurrection Fest e tocar no mesmo escenario que grupos internacionais como Down, Enter Shikari, Gallows, Heaven Shall Burn e un longo etcétera, Aphonnic disponse a afrontar a que é sen dúbida a súa aposta máis ambiciosa en todos os sentidos, o seu disco "Héroes".