GalicianTunes: Artista

GALEGO
ESPAÑOL
ENGLISH

Mr.Magoo

Mr. Magoo nace en Pontevedra hai máis dunha década, aínda que foi mutando de compoñentes ata establecerse no quinteto composto por Koldo (batería), Luis (guitarra), Natxo (baixo), Patricia (voz, percusións) e Rafa (voz, guitarra).

Despois de anos de concertos pola xeografía galega e cambios de formación rexistran " Chicos, no sabéis lo que me pasó” (2011) e posteriormente " Aux barricades" (2015), ámbolos CD autoeditados. Algunhas destas cancións, e outros temas inéditos, compoñerían un disco recompilatorio chamado “minor hits” (2016), só dispoñible no seu Bandcamp. Reconvertidos en power-trio, en 2017 gravan de novo 4 temas que reúnen baixo o nome de “Low Cost Lovers”.

No 2019 volven á carga para presentar a súa longa duración “Hidden Port” editado polo selo almeriense Clifford Records en LP e CD. Gravado nos estudos Terraforma (Hio-Cangas), baixo a produción de Ibán Pérez, Mr. Magoo reúne un puñado de cancións que deixan entrever as súas influencias que beben do rock e o pop guitarreiro clásico. Os temas debátense entre a luminosidade das acougadas augas estivais ata as tormentas eléctricas que no inverno azoutan o “porto escondido” que agora che descobren.