GalicianTunes: Artista

GALEGO
ESPAÑOL
ENGLISH

DOA

Doa é un grupo de música popular e medieval galega cunhas formas musicais propias e orixinais, que se foi conformando desde finais da década dos 70 ata chegar a considerarse na actualidade un folk de vangarda no que se combinan elementos ancestrais con recursos contemporáneos e electrónica.

Os integrantes da formación son tres excelentes músicos: o guitarrista acústico e eléctrico Xoán Piñón, membro fundador do grupo, pertenceu a diversas formacións de música experimental, rock e folk, e é un dos pioneiros da música galega contemporánea; o zanfoneiro Óscar Fernández, unha das figuras máis importantes do novo folk, fundador dos Cempés e Bonovo; e a impresionante voz da prestixiosa soprano Susana de Lorenzo, posuidora de gran técnica, emoción e matices, así como dunha gran versatilidade.

Co seu último disco, "A Fronda dos Cervos", dedicado á música medieval galego portuguesa, Doa acadou:

-Mellor Disco 2011, XI Premios Opinión de Música Folk, Galicia.

-Top 20, World Music Charts Europe, 2012.

-"Discópolis", Radio 3.

-Top 5, Global Village EE.UU. (95 emisoras de músicas do mundo, EE.UU.).

-Discos Favoritos 2011, "Mundofonías", Radio Nacional/Exterior de España.

-Finalista, World Music Central, EE.UU.

-"Ritmos étnicos", RNE 5.

-Revista "Rhein-Zeitung", Alemaña.

-Revista "Titel", Alemaña.

-Portada de verán na revista "Interfolk".

-Top Ten 2011, Soas Radio, Londres.

-Bests Albums 2011, WorldMusic.co.uk, Inglaterra.

-"Folk Roots", Inglaterra.

-CD recompilación folk "The Ultimate Guide to Spanish Folk", ARC Music, Ing