Duister, o proxecto musical do noiés Carlos Maquieira, supón unha rara avis no panorama musical galego, onde non adoitamos atoparnos con artistas de drone ambiental. Pero destacalo só polo seu carácter excepcional sería una inxustiza. Se ben é certo que as cancións de Duister teñen o inconfundible aroma dos grupos do selo Kranky, tamén posúen o suficiente valor e sensibilidade para desenvolverse nun terreo propio: o dunha combinación minimalista de gravacións de campo e experimentación sonora que mestura a máis xenuína morriña galega co son de Stars of the Lid e a sutileza do Eno de "Ambient 1: Music for Airports" (Editions EG, 1978). Entre os temas do seu Bandcamp destaca "Sinfonía monótona baixo a choiva", crónica musical dunha alborada imprescindible para todos aqueles que disfrutaron do seminal "And Their Refinement of the Decline" (Kranky, 2007).
Contratación
Carlos Maquieira González 0638 453 357 duisterdrone@gmail.com
