Traspasado un punto de non retorno nun buraco negro xa non é posible a volta atrás. “Punto de no retorno” (2021) é tamén o título do segundo traballo de N.E.O, grupo de hard rock galego formado por Alberto Cereijo, Tino Mojón, Pedro Regueira e Diego P. Castro que, do mesmo xeito que un buraco negro, nos atrae e nos arrastra ao seu terreo.A demoledora guitarra de Alberto vese perfectamente arroupada por unha base rítmica contundente na que Tino e Diego soan como unha soa persoa. Sobre esa base deslízase a voz de Pedro, realzando unhas letras comprometidas con melodías que se cravan na cabeza desde a primeira escoita.“Punto de no retorno” é máis que unha evolución desde o seu anterior disco. Seguen a ser recoñecibles as súas influencias do hard rock máis clásico, pero nesta ocasión aparecen tamén momentos próximos ao rock progresivo. É entón cando o virtuosismo dos seus compoñentes ponse ao servizo das cancións e aparecen amálgamas e brillantes seccións instrumentais que elevan os temas a outra dimensión sen perder un chisco de enerxía. O disco, gravado entre os estudos Planta Sónica 2 e Pouland baixo a produción de Alberto Cereijo, consegue un son fiel ao dos seus irresistibles directos, demostrando que son unha das bandas máis sólidas e solventes do panorama nacional.Todos estes elementos fan deste traballo un “punto de non retorno” do que non se poderá escapar en canto se escoiten os primeiros compases; un disco de cancións que, como di unha das súas letras, quedarán flotando no aire, no fondo da memoria.
Contratación
La Agencia MusicJuan Pablo Rodríguez Antón 943 34 00 61 contratacion@laagenciamusic.es
Discografía
Vídeos
Terapia
N.E.O
Norte
N.E.O
Demasiado tarde
N.E.O
Inmortal
N.E.O
