GalicianTunes: Artista - Treintañeras Cañeras

GALEGO
ESPAÑOL
ENGLISH

Treintañeras Cañeras

Treintañeras Cañeras é unha banda de rock 'n' roll formada en Vigo a mediados de 2017. En outono dese ano ve á luz a súa primeira demo, “Caimán del Ku Klux Klan” (2017), e uns meses máis tarde publican o seu primeiro EP “Calienta que sales” (2018), ambos baixo a produción de Paco Serén (Piratas) en Eclipsis Studios.

Logo dunha tempada actuando en diversos festivais galegos lanzan o seu segundo EP, “Cabaña Caníbal” (2019), catro cortes nos que terminan de definir o seu estilo de guitarras afiadas e voces agresivas e moi persoais, nos que viaxan do rock 'n' roll máis cru ata uns tons que rozan o metal con influencias tales como Foo Fighters, Royal Blood ou Frank Carter.

Os seus últimos lanzamentos son “Balconazis” (2020) e “Rata Camboyana” (2021), dous videosingles que formarán parte do seu primeiro disco, cuxa publicación está programada para outono de 2021 co soporte de Galunk Producións.

Treintañeras Cañeras son Adrián Rodríguez (batería), Diego Garabal (baixo) e Manel López (guitarra e voz).