O guitarrista ourensán Marcos Álvarez González formouse no Conservatorio Superior da Coruña, onde obtivo o Premio Extraordinario de Fin de Estudos, e posteriormente no Maastricht Conservatorium (Países Baixos), completando o Mestrado en Guitarra Clásica con distinción Cum Laude baixo a tutela do maestro Carlo Marchione. O seu traballo foi recoñecido en concursos como o Concurso Internacional de Guitarra Juan Crisóstomo de Arriaga, o Premio Mans Futuro ou o Concurso Internacional do Club de Leones, e perfeccionou a súa interpretación en numerosas clases maxistrais con figuras como Margarita Escarpa, Judicaël Perroy, Carmen Ros, Marco Socías ou Àlex Garrobé.Na actualidade, Marcos presenta “Fíos de Ultramar”, un proxecto que convida a percorrer a evolución da guitarra clásica a través dun diálogo entre tradición e modernidade: desde a riqueza expresiva da música española ata as influencias latinoamericanas e jazzísticas dos séculos XX e XXI. A proposta compleméntase con breves explicacións e proxeccións visuais que serven de fío condutor, creando unha experiencia próxima e accesible para o público. Esta mesma visión de comunicar e achegar a música tamén guía a súa faceta como docente, onde transmite a novas xeracións a importancia de entender a guitarra non só como instrumento, senón como vehículo de emoción, cultura e diálogo entre épocas.
Contratación
Marcos Álvarez González 616 841 101 marcosaguitarproject@gmail.com
Vídeos
Allemande - Antonio Molina García
MARCOS ÁLVAREZ
Y El Canto Se Hizo Vuelo (III. La luz ya llovida) - M. Smaili
MARCOS ÁLVAREZ
Marcos Álvarez plays Sonata in A - F Rebay (1880-1953)
MARCOS ÁLVAREZ
