Catro mulleres: Lorena Reinaldo, Paula Oanes, Josefa Fernández e Elena Paz. Elas forman este insólito cuarteto feminino no que o protagonismo das arpas e a harmonía das súas voces dan vida a un estilo propio e único chamado Lulavai.Coñécense en 2005, cando formaban parte da Orquestra Folk Sondeseu baixo a dirección do arpista e ex-compoñente de Milladoiro, Rodrigo Romaní.No ano 2008 deciden emprender este novo proxecto musical, no que a sonoridade de 4 arpas e 4 voces fúndense para interpretar cun son moi orixinal temas galegos tradicionais e de autor. Publican o seu primeiro álbum no 2010, "CorDasVerbas", editado por Sul Producciones, que as leva a multitude de escenarios, dende Galicia ata o País Vasco, Segovia, Portugal ou Francia, participando en varios e importantes festivais como Lorient, FolkSegovia, Oito Mãos, Folkez Blaiz…"Lémbrame un soño" é o seu segundo traballo discográfico, que evoca no seu título unha canción do célebre cantautor portugués Fausto e reflicte á perfección a atmosfera que envolve este álbum. Temas de composición propia, sen perder o referente da música tradicional galega, con pinceladas de músicas do mundo, clásica ou jazz dan forma a este traballo de orixinais e evocadores sons.
Contratación
LulavaiPaula Oanes (+34) 654 646 209 - (+34) 986 283 002 lulavailulavai@gmail.com
Discografía
Vídeos
Meniña de Auga
LULAVAI
Vai a lúa
LULAVAI
