Soas nace como a resolución dunha inquietude común a dúas mulleres que souberon comunicar a nosa música dentro e fóra das nosas fronteiras.Ligaron a súa vida profesional á clásica; Cristina labrándose unha importantísima carreira co piano e Rosa, co violoncello. Estes anos de dedicación absoluta, sumados a outros tantos de experiencia no ámbito da música de identidade galega, confluíron na necesidade de expresar a innegable conexión que elas desenvolveron entre ambas as dúas vertentes.Soas é un proxecto que pretende achegar a música clásica a todos os públicos e demostrar á audiencia máis esixente que a tradición galega está dotada dun rexistro tan amplo que permite a incorporación de elementos orquestrais dun xeito natural e homoxéneo.“Muller” é a primeira materialización dun pensamento a longo prazo que pretende asomarnos a unha nova estética musical, na que cada detalle está coidadosa e elegantemente tratado, tendo en conta a xenerosidade da nosa riqueza musical.Unha formulación desde o respecto avalado polo coñecemento profundo de ambas nas dúas disciplinas nas que levan desenvolvéndose con éxito toda a súa vida.
Contratación
Mare Patricia Hermida (+34) 981 652 091 - (+34) 661 504 029 hermida@mareproduccion.com
Discografía
Vídeos
Unha noite na Eira do trigo
SOAS
Lágrima
SOAS
Negro Caravel
SOAS, ROSA CEDRÓN E CRISTINA PATO
