Os Irmandiños de Vincios. Música tradicional en movemento.Instrumentos da tradición, gaita, tambor, bombo; con instrumentos de banda, clarinete, saxo, pratos; e máis un acordeón, diátonico. Esta é a mestura de músicas que se dan n'Os Irmandiños de Vincios. Músicas con aroma da terra e prebe de harmonías de concerto festeiro. Músicas que viaxan, que veñen e van. A orixe dos Irmandiños sitúase nos seráns, nos furanchos, nas ganas de gozar e pasalo ben. A motivación é ir un pouquiño máis alá das notas, ir na procura dunha música propia, máis compartida con todos. A base é o Monte Galiñeiro. O monte que os ancla no chan, que os coloca no universo, que os sitúa no mapa. Desde o Galiñeiro obsérvase o resto do mundo, recóllense puntos de vista musicais para recoñecelos como da casa. Tamén é a plataforma desde onde lanzar a propia visión do mundo, pequeno e acolledor, e dala a coñecer a aquel que os queira escoitar.Non hai dúbida, o primeiro disco tiña que titularse “Monte Galiñeiro”.Arranxos de músicas tradicionais e temas propios, instrumentais e cantados, bailables todos. A música d'Os Irmandiños invita a cantar, a bailar, a coñecerse e recoñecerse, e por riba de todo, a gozar da festa.
Contratación
Ismael Salgueiro (+34) 628 123 347 irmandinhosdevincios@gmail.com
Discografía
Vídeos
Xota de Floreano
OS IRMANDIÑOS DE VINCIOS
Os Irmandiños de Vincios nos Premios Xerais 2013
OS IRMANDIÑOS DE VINCIOS
