Fernando comezou a súa educación musical en Lousame. Con 10 anos ingresa no Conservatorio Profesional Felipe Paz Carbajal de Noia e máis tarde trasládase á Coruña para terminar o grao profesional no conservatorio desa mesma cidade, onde tamén obtería a súa licenciatura no Conservatorio Superior de Música con Ramón Carnota Méndez, na especialidade de Guitarra Clásica. Recibiu tamén formación en música de conxunto, historia da música, repentización e acompañamento, trascrición, edición e análise. Recibiu clases maxistrais de prestixiosos profesores no ámbito guitarrístico e tamén en música antiga. Desde o ano 2007 exerce como docente en Galicia e goza tocando con instrumentos construídos por Lourdes Uncilla, César Arias e Francisco Santiago Marín.No ano 2013 edita o seu primeiro CD como solista co selo iTinerat Classics, "Feel Past Fret, unha viaxe polas emocións guitarrísticas", onde toca música de Narváez, Sanz, Guerau, Legnani, Tárrega, Vide e Kapsperger, ademais de sete estudos propios, cuxas partituras están dispoñibles no libro "Guitarra. Técnica e interpretación", publicado pola editorial Dos Acordes.Durante o curso 2013/2014 estuda co profesor Xavier Díaz-Latorre, entre outros, un Máster en Interpretación da Música Antiga na Escola Superior de Música de Cataluña (ESMUC), en colaboración coa Universidade Autónoma de Barcelona (UAB).
Contratación
NomenklaturasMaría Valcárcel Tabernero (+34) 647 163 629 mvtcomunicacion@gmail.com
Discografía
Vídeos
Toccata Arpeggiata (Feel Past Fret recording II)
FERNANDO PÉREZ FERNÁNDEZ
Toccata Arpeggiata (Feel Past Fret recording III)
FERNANDO PÉREZ FERNÁNDEZ
